Сентенарио (стадион)

Сентенарио
Шынайы атауы	Estadio Centenario
Орналасуы	Монтевидео, Уругвай
Қаланғаны	21 шілде 1929
Салынған	1930
Ашылған	18 шілде 1930
Жаңартылған	2021
Құрылыс құны	1 млн доллар
Жаңартылған құны	5 млн доллар
Сәулетші	Хуан Антонио Скассо
Сыйымдылығы	76 609
Команда	Үлгі:Байрақ/URU, Пеньяроль
Алаңның өлшемі	105×68 м
Алаң беті	шөп
Сайты	http://www.estadiocentenario.com.uy/
Сентенарио Ортаққорда

Сентенарио — Уругвай астанасы Монтевидеодағы футбол стадионы. 1930 жылғы әлем чемпионаты үшін арнайы салынған арена. Атауын қазақ тіліне тікелей аударсақ, "100 жылдық" деген мағына береді. Уругвайдың тәуелсіздігінің 100 жылдығының құрметіне солай аталған.

Тарихы

Стадионның құрылысы 1929 жылы мамыр айында басталған. Бір жылдан астам уақытқа созылып, тек 1930 жылғы әлем чемпионаты басталғанда ғана аяқталған. Стадионның кешігіп аяқталуына байланысты, чемпионаттың ашылу салтанаты алғашқы матчтан соң бес күн өткен соң (18 шілдеде) ғана ұйымдастырылыпты. Стадионда алғашқы әлем чемпионатының 10 матчы ойналды. Соның ішінде финалдық кездесу де бар. Стадиондағы ең алғашқы ойын 18 шілдеде Уругвай және Перу командаларының арасында өтіп, алаң иелері 1:0 есебімен жеңіске жетті.

Қазіргі уақытта Монтевидеоның "Пеньяроль" клубы өз алаңындағы ойындарын осы стадионда өткізеді.

Стадиоға ә дегенде 100 мыңдай жанкүйер сиятын болған. Кейін пластикалық орындықтар қойылып, 76 609 адам жайғаса алатын болды. Стадионда тек футбол матчтары ғана емес, түрлі концерттер де өткізіліп тұрады.

Стадионда өткізілген Ұлттық құрамалар деңгейіндегі турнирлер

• КОНМЕБОЛ кубогы 1942
• КОНМЕБОЛ кубогы 1956
• КОНМЕБОЛ кубогы 1967
• Әлем чемпионарының алтын кубогы («Мундиалито») 1980
• Америка кубогы 1995